GUISE ET TRADITIONS
Coère dit
''DGISE DINS Z'ABES''
 

Prisintachion dé ch'ju d'assiettes

« Dgise dins z’abes » à Boves, l'o « invinté » éne règue éspéchiale dé ch’ju d’assiéttes dé ch’Vimeu : « Ech ju d’assiéttes ouins-ouins »

Assiettes ouins ouins
Règues dé ch’ju d’assiéttes mélingé aveuc chétoles dé l’pétanque


CHL’ATRINTCHILLACHE
-  1 tabe – 3.20 m éd long pi 0.50 m à 0.55 m éd larche – 16 à 20 mm in épaisseur
-  2 trétieux
-14 assiéttes (dixes in bos d’16 cm éd diamète – 3 cm in épaisseur – 350 g)

ch’but (ch’coéchon.net) ch’est ch’bout dé l’tabe dé ch’coeté qui foèt érsort.  


 
 
ECH JU

I i o 2 jueus
- éch jueu A, ch’est ch’ti qui met in reute
- éch jueu B, ch’est l’eute jueu.

Por savoèr tchèche qui l’écminche,
chés jueus, atchun leu tor, is linch’nt éne assiétte :
ch’ti qui plache ésn'assiétte l’pus prés dé ch’but, i prind ch’1er point pi i cminche l’pértie.

Chés jueus is rprin.n’nt leus assiéttes pi l’pértie a met in reute.
Ech jueu A i linche éne prémière assiétte pér edsur l’zon.ne intardite (ch’trait qui l’est traché su l’tabe à 80 cm dé ch’bord éd départ).
Chl’Handicap
Ech jueu B i linche éne assiétte à sin tor, mais i n’o point l’droét éd dépasser sn'adversaire.

A pértir dé ch’monmint lo, pou savoér à tchèche équ’ch’est à juer, ch’est conme à l’pétanque. I feut aller prin.ne éch point.

Soin !
O z’o point l’droét d’pitcher zz’assiéttes d’l’eute jueu, i feut attin.ne qué l’6inme a fuche éjtée.

Ech jueu B i rlinche pi il inssoéye dé s’placher dvant ch’jueu A. I jue tant qu’i n’o point prins ch’point. Ch’est du pérel minme pou ch’jueu A si qu’i s’ertreuve moins bien plaché.

Ech jueu qui jue l’6inme assiette i put sé nn’in sarvir pou pitcher zz’assiéttes d’l’eute jueu. A pértir dé ch’monmint lo, ch’est du pérel minme pou tous zz’eutes assiéttes.
Pitcher,
Ch’est inlver ll’assiétte d’l’eute jueu dé l’tabe pou prin.ne és’plache.

I doét tours i avoér éne assiétte éd chaque jueu dsur l’tabe. Si qu’i i in o un qui nn’o pus, i doét absolumint juer.

L’pértie a finit quand qué l’darin.ne assiétte all’o té juée.

Ch’vaintcheu ch’est ch’ti qui l’o plaché ses assiéttes l’pus prés dé ch’but. Il o eutint d’points qu’il o plaché d’assiéttes dvant l’pus boin.ne assiétte d’l’eute jueu.

Ch’compte foèt, zz’assiéttes as sont ramassiées. Ch’jueu qui l’o gangné i récminche à juer, mais ch’coeup-chi, i n'i o pus chl’handicap.
L’partie a s’jue in 21 points. I feut don foère tchèques linchers por i arriver.
 
Achuchon ‘’Dgise dins z’Abes’’
A ch’L°1 dé l’rue dé ch’l’Ecmindint Jan - 80440 Bove - Picardie-France
Tél: 03 22 09 23 20
Adréche arnitoéle : guisetraditions@yahoo.fr