Présintachion de Javlot
Tir dsu l’chibe

Ch’est un ju qui l’o tchèque cose à vir avec ch’javlot qui servoèt d’arme : éne pointe éd fér aveuc un bâton d’un bout pou l’foère voler dins zz’airs.

LL’HISTOERE

- XIIinme sièque : l’tige in bos a dispéroèt pou tchitter l’plache à des pleumes. - 1337 : Tchot Charles V i foèt un décret d’où qu’il impêche chés jux d’ballons pi d’dés… zz’honmes is s’in vont juer à des jux d’dgerre. Ch’ju d’javlot i s’in vo s’dévlopper in Champagne. - XV inme pi XVIinme sièques : o cminche à rincontrer ch’ju d’javlot dins les Flandes. Zz’Espagnols is z’otchup’nt nou région, eux is jut’nt à lancher des coutieux… nous z’eutes os lanchrons des javlots. - 1900 : ch’ju d’javlot il est répindu dins chés mines éd chés Boéyeux rouches. Tout duchmint i rinte dins l’Anmiénoés pi seurtoute dins ch’tchoin d’ Dourlins. - 1920 : ch’ju d’javlot il est présint dins chés cafés. Un tchot mollé pus térd, cha dvient un ésport : gramint d’clubs is mett’nt in reute. Ene Fédérachion Française dé ch’Javlot Tir dsu l’Chibe a voét l’jor. D’nous jors, i i o un Chimpion.nnat d’France pi éne Coupe éd France dé ch’Javlot tir dsu l’chibe.

 

CH’L’ATRINTCHILLACHE

L’chibe all’est érprésintée pér 2 cherques in fer qu’o z’appelle des bagues : - éne tchote éd 6 cm éd diamète, - éne grande éd 21 cm d’diamète.  Ech chinte i doét t’ête à 85 cm dé ch’sol.

Ch’pos d’tir ch’est un plantcher d’1 m d’larche pi 2 m éd long. Il est plaché à 8 m dé l’chibe.

ECH JU

- Chaque jueu i lanche à sin tor ch’javlot dsur l’chibe. - Ch’javlot qui pique dins l’tchote bague i ramin.ne 2 points. - Ch’javlot qui pique intér l’grande bague pi l’tchote i ramin.ne 1 point. - Chés jueus is peut’nt dire ch’nombe éd lanchers. - Ch’vaintcheur ch’est ch’ti qui l’o foèt l’pusse éd points.

Atcheul

Jux picards