Ch’Michel il est parti aveuc sin tchoeur badjé d’éspoér por ésn’hutte là-bos dins chés mollières. Il inmin.ne aveuc li sin viux coepan, ch’Léon : ch’est un veilleu d’neuit in értraite mais toujours jon.ne dins s’caouète* pi fin anmoureux dé l’cache à l’hutte.

Il est 9 heures à vrèpes… L’neuit all’est trintchille : point l’moinde canchon* dins zz’alintors… tout jusse éne cane courte intér chés bléttes* pi ch’bord, du coeté dé chl’amouillache. Ch’maillard, li, un mollé pus caqu’teu*, i nous rappelle qu’os sonmes à l’hutte…